ଅଷ୍ଟିନ୍ ନ୍ଯୁଜ/ଭୁବନେଶ୍ୱର
ତା-୨୭-୦୯-୨୦୨୧
ରବିବାର ରାତିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଚାନକ ସେଣ୍ଟ୍ରାଲ ଭିସ୍ଟା ପ୍ରୋଜେକ୍ଟର ଯାଞ୍ଚ କରିଛନ୍ତି। ରାତି ପ୍ରାୟ 8.45 ସମୟରେ ନୂତନ ସଂସଦ ଭବନ ନିର୍ମାଣ ସ୍ଥଳରେ ପହଞ୍ଚିଥିଲେ। ପ୍ରାୟ ଏକ ଘଣ୍ଟା ପର୍ଯ୍ୟନ୍ତ ପିଏମ୍ ମୋଦୀ ସେଠାରେ ନିର୍ମାଣ କାର୍ଯ୍ୟର ସମୀକ୍ଷା କରିଥିଲେ। ବର୍ତ୍ତମାନ ସୁଦ୍ଧା ହୋଇଥିବା କାର୍ଯ୍ୟର ଡେଭଲପମେଣ୍ଟ ରିପୋର୍ଟ ଉପରେ ଇଞ୍ଜିନିୟରମାନଙ୍କ ସହିତ ଯୋଗାଯୋଗ କରିଥିଲେ। ବିନା କୌଣସି ପୂର୍ବ ସୂଚନା ଏବଂ ସୁରକ୍ଷା କର୍ମଚାରୀଙ୍କ ବିନା ନିର୍ମାଣ ସ୍ଥଳରେ ପହଞ୍ଚିଥିଲେ। ନିର୍ମାଣ ସ୍ଥଳରେ ପ୍ରଧାନମନ୍ତ୍ରୀ ସୁରକ୍ଷା ହେଲମେଟରେ ନଜର ଆସିଛନ୍ତି। ପ୍ରକଳ୍ପ ବୁଲି ଦେଖି କାର୍ଯ୍ୟ ଉପରେ ତୀକ୍ଷ୍ଣ ନଜର ରଖିଥିଲେ।
ସୂଚନାଯୋଗ୍ୟ ଯେ ସେଣ୍ଟ୍ରାଲ ଭିଷ୍ଟା ପ୍ରକଳ୍ପ ଅଧୀନରେ ଏକ ନୂତନ ସଂସଦ ଭବନ ଏବଂ ଏକ ନୂତନ ଆବାସିକ କମ୍ପ୍ଲେକ୍ସ ନିର୍ମାଣ କରାଯିବ। ଏଥିରେ ପ୍ରଧାନମନ୍ତ୍ରୀ ଏବଂ ଉପ-ରାଷ୍ଟ୍ରପତିଙ୍କ ବାସଭବନ ସହିତ ମନ୍ତ୍ରଣାଳୟର କାର୍ଯ୍ୟାଳୟଗୁଡ଼ିକ ପାଇଁ ଅନେକ ନୂତନ କାର୍ଯ୍ୟାଳୟ ଭବନ ଏବଂ କେନ୍ଦ୍ରୀୟ ସଚିବାଳୟ ନିର୍ମାଣ କରାଯିବ। ସମଗ୍ର ପ୍ରକଳ୍ପର ମୂଲ୍ୟ ପ୍ରାୟ 20,000 କୋଟି ଟଙ୍କା। ସଂସଦର ନୂତନ ବିଲ୍ଡିଂର କ୍ଷେତ୍ର 64,500 ବର୍ଗଫୁଟ ହେବ। ଏଥିରେ ଏକ ବିଳାସପୂର୍ଣ୍ଣ ‘ସମ୍ବିଧାନ ହଲ୍’ ରହିବ ଯେଉଁଥିରେ ଦେଶର ଐତିହ୍ୟ ସଂରକ୍ଷିତ ରହିବ ।
ଅଧିକ ଖବର ଜାଣିବା ପାଇଁ ଆମର ଓ୍ବେବସାଇଟ ଲଗଇନ କରନ୍ତୁ। ଆମ ସହ ଯୋଡି ହୋଇ ରହିବା ପାଇଁ ଆମର ଫେସବୁକ ପେଜ୍, ୟ୍ଯୁ-ଟ୍ୟୁବ ପେଜ୍, ଟ୍ବିଟର ପେଜ୍ କୁ ଲାଇକ, କମେଣ୍ଟ, ସେୟାର, ଫଲୋ, ସବସ୍କ୍ରିପସନ କରନ୍ତୁ।