ଜୁଲାଇ ୧୮ ତାରିଖରୁ ଖାଉଟିଙ୍କ ମୁଣ୍ଡ ବଥା ବଢିବାକୁ ଯାଉଛି । ଏହାର ସଙ୍କେତ ମିଳିଛି ଜିଏସଟିର ୪୭ତମ ବୈଠକରୁ । ଏହି ବୈଠକରେ ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ଜୁଲାଇ ୧୮ରୁ କିଛି ନୂଆ ଉତ୍ପାଦ, କିଛି ଦ୍ରବ୍ୟ ଓ ସେବା ଉପରେ ଜିଏସଟିର ହାର ବୃଦ୍ଧି ପାଇବ।
ଜାଣନ୍ତୁ କେଉଁ ଜିନିଷ ଶସ୍ତା ହେବ ଓ କେଉଁ ଜିନିଷ ମହଙ୍ଗା ହେବ?
ଜୁଲାଇ ୧୮ରୁ ପନୀର, ଲସି, ବଟରମିଲ୍କ, ପ୍ୟାକେଡ୍ ଦହି, ଗହମ ଅଟା, ଅନ୍ୟାନ୍ୟ ଶସ୍ୟ, ମହୁ, ପାପଡ, ଖାଦ୍ୟ ଶସ୍ୟ, ମାଂସ ଓ ମାଛ (ଫ୍ରିଜ୍ ବ୍ୟତୀତ), ମୁଡ଼ି ଓ ଗୁଡ଼ ଭଳି ପ୍ରି-ପ୍ୟାକେଜ୍ ଫୁଡ୍ ମହଙ୍ଗା ହେବ।
ଏହି ଜିନିଷଗୁଡ଼ିକ ଶସ୍ତା ହେବ
ଜୁଲାଇ ୧୮ରୁ ରୋପୱେ ଯାତ୍ରା ଓ ସାମଗ୍ରୀ ପରିବହନ ଶସ୍ତା ହେବ। ସେହିପରି ସ୍ପ୍ଲିଣ୍ଟ ଓ ଅନ୍ୟାନ୍ୟ ଭଙ୍ଗା ଉପକରଣ, ଶରୀର ପ୍ରୋଥେସ୍, ଶରୀର ପ୍ରତିରୋପଣ, ଇଣ୍ଟ୍ରା-ଓକୁଲାର ଲେନ୍ସ ଉପରେ ଜିଏସଟି ୧୨ ପ୍ରତିଶତରୁ ୫ ପ୍ରତିଶତକୁ ହ୍ରାସ କରାଯାଇଛି। ଇନ୍ଧନ ମୂଲ୍ୟରୁ ମାଲ ପରିବହନ କରୁଥିବା ଅପରେଟରଙ୍କ ଭଡ଼ା ଉପରେ ଜିଏସଟି ୧୮ ପ୍ରତିଶତରୁ ୧୨ ପ୍ରତିଶତକୁ ହ୍ରାସ କରାଯାଇଛି।