ଆଜି ବିଶ୍ଵ ପରିବେଶ ଦିବସ

କଟକ / ଅଷ୍ଟିନ୍ ନ୍ୟୁଜ

ତା – ୦୫-୦୬-୨୦୨୧

ଜୁନ ମାସ ୫ ତାରିଖ କୁ ସାରା ବିଶ୍ୱ ରେ, ପରିବେଶ ଦିବସ ଭାବେ ପାଳନ କରାଯାଇଥାଏ। ବିଶ୍ଵ ପରିବେଶ ଦିବସ ପାଳନ କରାଯିବ ପଛରେ ଏକ କାରଣ ରହିଛି। ତାହା ହେଉଛି ପରିବେଶ ର ସୁରକ୍ଷା ଓ ରକ୍ଷଣାବେକ୍ଷଣ କରିବା।

ପ୍ରଥମ ଥର ପାଇଁ ଏହି ଦିବସ ଟିକୁ ୧୯୭୪ ମସିହାରେ ମିଳିତ ଜାତିସଂଘର, ସ୍ପୋକାନେ ଠାରେ ପାଳନ କରାଯାଇଥିଲା। ସେବେଠାରୁ ପ୍ରତିବର୍ଷ ପ୍ରତିବର୍ଷ ଗୋଟିଏ ଲେଖାଏଁ ଦେଶ ଏହି ବିଶ୍ୱ ପରିବେଶ ଦିବସ କୁ ଉପସ୍ଥାପନ କରିଥାଏ ଏବଂ ଏହା ଗୋଟିଏ ସପ୍ତାହବ୍ୟାପୀ ପାଳନ କରାଯାଇଥାଏ। ପ୍ରଥମ ବିଶ୍ଵ ପରିବେଶ ଦିବସ ର ସ୍ଲୋଗାନ୍ ଥିଲା ‘ଓନ୍ଲି ୱାନ ଆର୍ଥ’ ।

ସେହିପରି ପ୍ରତି ବର୍ଷ ଏହି ଦିବସ ପାଳନ ହେବ ପାଇଁ ଗୋଟିଏ ନିର୍ଦ୍ଧିଷ୍ଟ ବିଷୟ ବା ଥିମ୍ ଚୟନ କରାଯାଏ। ତେବେ ଚଳିତ ବର୍ଷ ର ଥିମ୍ ଭବରେ ‘ଇକୋସିଷ୍ଟମ ରିଷ୍ଟୋରେସନ୍ ‘ ମନୋନୀତ କରାଯାଇଛି। ତେବେ ୨୦୨୧ ବିଶ୍ଵ ପରିବେଶ ଦିବସ ଉପସ୍ତାପକ ଭବରେ ପାକିସ୍ତାନ କୁ ଦାୟିତ୍ଵ ଦିଆଯାଇଛି।

ପ୍ରତିବର୍ଷ ସାରା ବିଶ୍ୱ ର ଅନ୍ୟ ଅନ୍ୟ ଦେଶ ମାନେ ମିଳିତ ଭାବରେ ଗୋଟିଏ ସମାବେଶ ଆୟୋଜିତ କରନ୍ତି। ମାତ୍ର ପୂର୍ବ ବର୍ଷ ଭଳି ଚଳିତ ବର୍ଷ ମଧ୍ୟ ଡିଜିଟାଲ ମାଧ୍ୟମ ରେ ବିଶ୍ଵ ପରିବେଶ ଦିବସ ପାଳନ କରାଯିବ। କରୋନା ମହାମାରୀ ରେ ବିଶ୍ୱବ୍ୟାପି ବଢୁଥିବା ସଂକ୍ରମଣ କୁ ଦୃଷ୍ଟିରେ ରଖି ଏଭଲି ନିଷ୍ପତ୍ତି ଗ୍ରହଣ କରାଯାଇଛି। ଲକ୍ ଡାଉନ୍ ସାରା ମନୁଷ୍ୟ ସମାଜକୁ ଅତିଷ୍ଟ କରିଥିଲେ ମଧ୍ଯ ଏହାର ସକରାତ୍ମକ ପ୍ରଭାବ ଆମ ପରିବେଶ ଉପରେ ପଡ଼ିଛି।