ରାଜ୍ୟରେ ୩୦ ଯାଏଁ ସମ୍ପୂର୍ଣ୍ଣ ଲକ୍ ଡାଉନ

କଟକ / ଅଷ୍ଟିନ୍ ନ୍ୟୁଜ

ତା – ୧୬-୦୫-୨୦୨୧

ରାଜ୍ୟରେ ବଢି ବଢି ଚାଲୁଥିବା କରୋନା ସଂକ୍ରମଣ ମାମଲା କୁ ଦୃଷ୍ଟିରେ ରଖି ପଶ୍ଚିମବଙ୍ଗ ରାଜ୍ୟ ସରକାର ଏହି ନିଷ୍ପତ୍ତି ନେଇଛନ୍ତି।ଆସନ୍ତା କାଲି ଠାରୁ ମେ’ ୩୦ ପର୍ଯ୍ୟନ୍ତ, ଲଗାତାର ଭାବେ ୨ ସପ୍ତାହ ପାଇଁ ସମ୍ପୂର୍ଣ୍ଣ ଭାବେ ବନ୍ଦ ରହିବ ପଶ୍ଚିମବଙ୍ଗ।

ରାଜ୍ୟ ସଚିବାଳୟ ନବାନ୍ନ ରେ ଅୟୋଜିତ ହୋଇଥିବା ବୈଠକ ହେବା ପରେ, ରାଜ୍ୟର ସମସ୍ତ ସ୍କୁଲ କଲେଜ, କଳ କାରଖାନା, ସିନେମା ହଲ୍ ଓ ବାର ଆଦି, ସମ୍ପୂର୍ଣ୍ଣ ଭାବେ ବନ୍ଦ ରହିବ ବୋଲି, ମୁଖ୍ୟ ସଚିବ ଆଲାପନ ବାନାର୍ଜୀ କହିଛନ୍ତି।

ତେବେ ସକାଳ ୭ ଟା ରୁ ସକାଳ ୧୦ ଟା ଯାଏଁ କ୍ଷୀର, ପନିପରିବା, ଫଳ ଓ ପାଉଁରୁଟି ଦୋକାନ ଖୋଲା ରହିବ ବୋଲି ସେ ନିର୍ଦେଶ ଦେଇଛନ୍ତି। ଦିନ ୧୦ ରୁ ଅପରାହ୍ନ ୫ ଟା ପର୍ଯ୍ୟନ୍ତ ମିଠା ଦୋକାନ ଖୋଲା ରହିବ ଏବଂ ଔଷଧ ଓ ଚାଷମା ଦୋକାନ ନିୟମିତ ଖୋଲା ରହିବ।

ରାଜ୍ୟରେ ବିଗତ ୨୪ ଘଣ୍ଟା ଭିତରେ ୨୦,୮୪୯ ଟି ନୂଆ ମାମଲା ଚିହ୍ନଟ ହୋଇଥିବା ବେଳେ ୧୩୬ ଜାନଙ୍କ ମୃତ୍ୟୁ ଘଟିଛି।