ରୋଗ ଅସଲି, ଟିକା ନକଲି

କଟକ / ଅଷ୍ଟିନ୍ ନ୍ୟୁଜ

ତା – ୧୬-୦୫-୨୦୨୧

ହୁ ହୁ ହୋଇ ବଢି ଚାଲୁଥିବା ସଂକ୍ରମଣ ଭିତରେ ରିମ୍ଭେସିଭିର ଇଞ୍ଜେକସନ୍ ର ଚାହିଦା ମଧ୍ଯ ଖୁବ ବଢିଯାଇଛି। ତା ଭିତରେ ବିଭିନ୍ନ ରାଜ୍ୟରେ ନକଲି ବା ଡୁପ୍ଲିକେଟ ରିମ୍ଭେସିଭିର ବିକ୍ରି କରୁଥିବା ଲୋକ ଧରାପଡି ଗିରଫ ହୋଇଥିବାସହ ବହୁ ମାତ୍ରାରେ ନକଲି ଇଞ୍ଜେକସନ୍ ମଧ୍ଯ ଯାବତ୍ କରାଯାଇଛି।

ଉତ୍ତରପ୍ରଦେଶ, ମଧ୍ୟପ୍ରଦେଶ, ଓ ଗୁଜୁରାଟ୍ ରାଜ୍ୟରେ ଏପରି ନକଲି ଇଞ୍ଜେକସନ୍ ର ରକେଟ୍ ର ପର୍ଦ୍ଦାଫାସ ହୋଇଛି।

କିନ୍ତୁ ଅପରପକ୍ଷେ ନକଲି ହେଲେ ମଧ୍ୟ ଏହି ଇଞ୍ଜେକସନ୍ ଦିଆଯାଇଥିବା ରୋଗୀଙ୍କ ମଧ୍ୟରୁ ୯୦% ରୋଗୀ ସୁସ୍ଥ ହୋଇ ଘରକୁ ଫେରିଛନ୍ତି ବୋଲି ମଧ୍ୟପ୍ରଦେଶ ପୁଲିସ ର ତଦନ୍ତରୁ ଜଣ ପଡିଛି। ଏହି ଘଟଣା ସମସ୍ତଙ୍କୁ ଚକିତ କରିଛି।

ତେବେ ନକଲି ଟିକା ରେ କେବଳ ଗ୍ଲୁକୋଜ ଓ ଲୁଣ ମିଶ୍ରିତ ରହିଥିବାରୁ ଏହାର ଟିକିନିକି ଜାଞ୍ଚ କରାଯିବାକୁ ନିଷ୍ପତ୍ତି ନିଆଯାଇଛି। ନକଲି ଟିକାଗୁଡିକ ୭୦୦ ରୁ ୧୨୦୦ ଟଙ୍କା ମଧ୍ୟରେ ବିକ୍ରି କରାଯାଇଥିଲା।