ଅଷ୍ଟିନ୍ ନ୍ଯୁଜ/ଭୁବନେଶ୍ୱର
ତା-୨୭-୦୯-୨୦୨୧
କୃଷକ ସଂଗଠନ ଗୁଡ଼ିକ ପକ୍ଷରୁ ଆଜି ଭାରତ ବନ୍ଦ ଡାକରା ଦିଆଯାଇଛି। ଏହାର ଜବରଦସ୍ତ ପ୍ରଭାବ ଦିଲ୍ଲୀ-ଏନସିଆରରେ ଦେଖିବାକୁ ମିଳିଛି। ଦିଲ୍ଲୀରେ ପ୍ରବଳ ଜାମ ରହିଛି। ବର୍ତ୍ତମାନ ଦିଲ୍ଲୀ-ଗୁରୁଗ୍ରାମ ସୀମାରେ ହଜାର ହଜାର ଗାଡି ଅଟକି ରହିଛି। ଲୋକମାନେ ଜାମରେ ଅଟକି ରହି ଅଫିସରେ ପହଞ୍ଚିବାରେ ଅସମର୍ଥ ହେଉଛନ୍ତି ଏବଂ ନୋଏଡାର DND ରେ ମଧ୍ୟ ଏକ ବଡ଼ ଜାମ ହୋଇଛି। ଅପରପକ୍ଷରେ ଗାଜିପୁର ସୀମାରୁ ଦିଲ୍ଲୀ ପର୍ଯ୍ୟନ୍ତ ରାସ୍ତା ବନ୍ଦ ରହିଛି।
କୃଷକଙ୍କ ଭରତ ବନ୍ଦ ଯୋଗୁଁ ରେଳ ଚଳାଚଳ ମଧ୍ୟ ପ୍ରଭାବିତ ହୋଇଛି। ବନ୍ଦେ ଭାରତ ଏକ୍ସପ୍ରେସ ପାନିପଥ ଷ୍ଟେସନରେ ଠିଆ ହୋଇଥିବାବେଳେ କଲକା ଶତାବ୍ଦୀ , ପୁରୁଣା ଦିଲ୍ଲୀ-ପଠାନକୋଟ ଏକ୍ସପ୍ରେସକୁ ବାତିଲ କରିଦିଆଯାଇଛି। ଉତ୍ତର ରେଳବାଇ କହିଛି ଯେ ରେଳ ଟ୍ରାକରେ ବସିଥିବା ପ୍ରଦର୍ଶନକାରୀଙ୍କ ଯୋଗୁଁ ଦିଲ୍ଲୀ, ଅମ୍ବାଲା ଏବଂ ଫେରୋଜପୁର ଡିଭିଜନରେ ରେଳ ଚଳାଚଳ ପ୍ରଭାବିତ ହୋଇଛି। ଦିଲ୍ଲୀ ଡିଭିଜନର 20 ରୁ ଅଧିକ ସ୍ଥାନରେ ଟ୍ରାକ ଅବରୋଧ କରାଯାଇଛି। ଅମ୍ବାଲା ଏବଂ ଫିରୋଜପୁର ବିଭାଗରେ ପ୍ରାୟ 25 ଟି ଟ୍ରେନ୍ ପ୍ରଭାବିତ ହୋଇଛି ।
ସଂଯୁକ୍ତ କିସାନ୍ ମୋର୍ଚ୍ଚାର ‘ଭାରତ ବନ୍ଦ’ କୁ ଦୃଷ୍ଟିରେ ରଖି ଦିଲ୍ଲୀ ପୋଲିସ ଜାତୀୟ ରାଜଧାନୀ ଦିଲ୍ଲୀ ସୀମାରେ ସୁରକ୍ଷାକୁ କଡାକଡି କରିଛି। ଜାତୀୟ ରାଜଧାନୀରେ ବନ୍ଦକୁ ଦୃଷ୍ଟିରେ ରଖି ଆଇନ ଶୃଙ୍ଖଳା ବଜାୟ ରଖିବା ତଥା କୌଣସି ଅଘଟଣକୁ ରୋକିବା ପାଇଁ ପର୍ଯ୍ୟାପ୍ତ ସୁରକ୍ଷା ବ୍ୟବସ୍ଥା କରାଯାଇଛି ବୋଲି ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି । ପୋଲିସର ସୂଚନାନୁସାରେ, ପାଟ୍ରୋଲିଂ ବୃଦ୍ଧି କରାଯାଇଛି, ବିଶେଷ କରି ସୀମାନ୍ତବର୍ତ୍ତୀ ଅଞ୍ଚଳରେ ଆଉଟପୋଷ୍ଟରେ ଅତିରିକ୍ତ ଫୋର୍ସ ମୁତୟନ କରାଯାଇଛି ଏବଂ ଜାତୀୟ ରାଜଧାନୀକୁ ଆସୁଥିବା ଗାଡି ଗୁଡ଼ିକୁ ଯାଞ୍ଚ ଚାଲିଛି।
ଅଧିକ ଖବର ଜାଣିବା ପାଇଁ ଆମର ଓ୍ବେବସାଇଟ ଲଗଇନ କରନ୍ତୁ। ଆମ ସହ ଯୋଡି ହୋଇ ରହିବା ପାଇଁ ଆମର ଫେସବୁକ ପେଜ୍, ୟ୍ଯୁ-ଟ୍ୟୁବ ପେଜ୍, ଟ୍ବିଟର ପେଜ୍ କୁ ଲାଇକ, କମେଣ୍ଟ, ସେୟାର, ଫଲୋ, ସବସ୍କ୍ରିପସନ କରନ୍ତୁ।