ଅଷ୍ଟିନ ନ୍ୟୁଜ / ଭୁବନେଶ୍ୱର
ତା-୦୨-୦୬-୨୦୨୧
ଜଗବନ୍ଧୁ ପ୍ରଧାନ
ପୂର୍ବତନ ବିଧାୟକ ବଢାଇଲେ ସାହାଯ୍ୟର ହାତ ଲକଡାଉନ ଫଳରେ ବିଶେଷ କରି ମଧ୍ୟବିତ୍ତ ଓ ଗରୀବ ଶ୍ରେଣୀ ଲୋକମାନେ ପ୍ରଭାବିତ ହୋଇଥିବାର ଦେଖିବାକୁ ମିଳିଅଛି । ବାହାର ରାଜ୍ୟରେ କରୋନା ର ଦାଉ ବଢୁଥିବାରୁ ବାହାରକୁ ଯାଇଥିବା ଲୋକଙ୍କ ରୋଜଗାର ଠପ ହୋଇ ଅଛି । ତାସହ ଗାଡ଼ି ଚଳାଚଳ ,ବସ ସେବା ,ଟ୍ରେନ ସେବା ବନ୍ଦ ଯୋଗୁଁ ବହୁତ ଲୋକ ନିଜ ଭିଟାମାଟି କୁ ଫେରିବା ମୁସ୍କିଲ ହୋଇ ପଡିଅଛି ।
ସୀମାନ୍ତରେ ଦାଦନ ଶ୍ରମିକଙ୍କ ସହ ଶ୍ରମିକଙ୍କ ଲୁଚି ଛପି ଘରବାହୁଡା ବଢ଼ିବାରେ ଲାଗିଛି । ଶହଶହ କିଲୋମିଟର ଚାଲି ଚାଲି ଗୃହକୁ ଫେରିବା ଆରମ୍ଭ ହେଲାଣି । କୋଭିଡ଼ ର ମୃତ୍ୟୁର ଭୟ ରେ ସେମାନଙ୍କ ବାହୁଡା ଯାତ୍ରା ଚାଲୁଥିବାର ଦୃଶ୍ୟ ଆଜି ଉଦଳା କଲେଜ ପାଖ ରେଷ୍ଟ ସେଡ଼ରେ ଦେଖିବାକୁ ମିଳିଅଛି । କେନ୍ଦୁଝର ଜିଲ୍ଲାର ୫ ଜଣ ଯୁବକ କଲିକତାରେ କାମ କରୁଥିଲେ । କାମଦାମ ସେଠାରେ ବନ୍ଦ ହେବାରୁ ସେମାନେ ଉଦଳା ଦେଇ ଶରତ ତାପରେ ଠାକୁରମୁଣ୍ଡା ଦେଇ କେନ୍ଦୁଝର ଚାଲି ଚାଲି ଯାଇ ଥାନ୍ତେ ।
ହଠାତ ଉଦଳା ର ପୂର୍ବତନ ବିଧାୟକ ଶ୍ରୀନାଥ ସରେନଙ୍କ ପାଖରେ ଖବର ପହଞ୍ଚିବା ପରେ ସେ ସେହି ପାଞ୍ଚ ଜଣ ଯୁବକ ମାନଙ୍କୁ ପେଟ ପୁରେଇ ଖାଦ୍ୟ ଦେଇଥିଲେ । ସେମାନଙ୍କ ପାଇଁ ଏକ ଅଟୋ ମଧ୍ୟ ଠିକ କରିଦେଇଥିଲେ । ଉଦଳା ଠାରୁ କେନ୍ଦୁଝର ର ଦୂରତା ୧୨୦ କି.ମି ହେବ । ସେମାନଙ୍କ ପାଇଁ ଖାଦ୍ୟ ଓ ପାନୀୟ ଜଳ ସହିତ ଅଟୋ ଭଡ଼ା ମଧ୍ୟ ଦେଇ ତାଙ୍କର ନିଜସ୍ୱ ଗୃହକୁ ପଠାଇ ଅଛନ୍ତି ।ଏହିପରି ମାନବିକତା କାର୍ଯ୍ୟ ପାଇଁ ତାଙ୍କୁ ବିଭିନ୍ନ ବୁଦ୍ଧିଜୀବୀ ମହଲରୁ ବଧାଇ ଦେଇଥିବା ର ଦେଖିବାକୁ ମିଳିଛି ।
ଅଧିକ ଖବର ଜାଣିବା ପାଇଁ ଆମର ଓ୍ବେବସାଇଟ ଲଗଇନ କରନ୍ତୁ। ଆମ ସହ ଯୋଡି ହୋଇ ରହିବା ପାଇଁ ଆମର ଫେସବୁକ ପେଜ୍, ୟ୍ଯୁ-ଟ୍ୟୁବ ପେଜ୍, ଟ୍ବିଟର ପେଜ୍ କୁ ଲାଇକ, କମେଣ୍ଟ, ସେୟାର, ଫଲୋ, ସବସ୍କ୍ରିପସନ କରନ୍ତୁ।
http://www.austinnews.in
http://facebook.com/AustinNewsMedia
https://www.youtube.com/AustinNewsMedia