ଆଜି ଭଜନ ସମ୍ରାଟଙ୍କ ଶୁଭ ଜନ୍ମଦିନ

କଟକ /ଅଷ୍ଟିନ୍ ନ୍ୟୁଜ

ତା – ୨୫-୦୫-୨୦୨୧

ଓଡ଼ିଆ ଭଜନ କିମ୍ବଦନ୍ତୀ ଗାୟକ ଭଜନ ସମ୍ରାଟ ଭିକାରୀ ବଳଙ୍କ ଆଜି ହେଉଛି ଜନ୍ମଦିନ। ଓଡ଼ିଆ ଭଜନ କୁ ଲୋକପ୍ରିୟ କରାଇବାରେ ତାଙ୍କର ପ୍ରମୁଖ ଭୂମିକା ରହିଛି। ତାଙ୍କର ଈଶ୍ବରଦତ୍ତ ଅମୃତ କଣ୍ଠରେ ଗାଇଯାଇଛନ୍ତି ଅନେକ୍ ଭଜନ ଓ ଜଣାଣ। ସେ ଗାଇଥିବା “କୋଠ ଭୋଗ ଖିଆ, ମୋ ଚକାଆଖିଆ…”, “ଷାଠିଏ ପଉଟି ଭୋଗରୁ ତୁମର…”, “ମୁଁ ତୋ ଭିକାରୀ ତୁ ମୋ ବଳ, ତୋରି ବଳରେ ମୁଁ ଭିକାରୀ ବଳ…” ଭଳି ଅନେକ୍ ସଙ୍ଗୀତ ଆଜି ମଧ୍ୟ ପ୍ରତେକ ଓଡ଼ିଆ ମନରେ ଘର କରି ରହିଛି।

୧୯୨୯ ମସିହା ଆଜି ର ଦିନରେ, ସେ କେନ୍ଦ୍ରପଡା ଜିଲ୍ଲା ଅନ୍ତର୍ଗତ ସୋବଳା ଗ୍ରାମର ଏକ ନିମ୍ନ ମଧ୍ୟବିତ୍ତ ପରିବାରରେ ଜନ୍ମ ଗ୍ରହଣ କରିଥିଲେ।

ସେ ଥିଲେ ପ୍ରଭୁ ଶ୍ରୀଜଗନ୍ନାଥଙ୍କର ପରମ ଭକ୍ତ। ପୁରୀ ଶ୍ରୀମନ୍ଦିରରେ ଚାମର ସେବାର ସୌଭାଗ୍ୟ ତାଙ୍କୁ ପ୍ରାପ୍ତ ହୋଇଥିଲା। ସେ ପୁରୀ ଗଜପତି ମହାରାଜାଙ୍କ ଠାରୁ ‘ଭଜନ ସମ୍ରାଟ’ ଉପାଧି ପାଇଥିଲେ। ପୁରସ୍କାର ବାବଦରେ ପାଇଥିବା ଏକ ଲକ୍ଷ ଟଙ୍କା ସେ ଶ୍ରୀମନ୍ଦିର କୁ ଦାନ କରିଦେଇଥିଲେ।

ନିଜର ସ୍ଵ-ଉପାର୍ଜିତ ଧନରେ କଟକ ଚୌଦ୍ଵାର ଠାରେ ଏକ ଜଗନ୍ନାଥ ମନ୍ଦିର ନିର୍ମାଣ କରିଥିଲେ। ୨୦୧୦ ମସିହା, ନଭେମ୍ବର ୨ ତାରିଖରେ ତାଙ୍କର ତିରୋଧାନ ଘଟିଥିଲା।