ବଲାଙ୍ଗିର ଭୀମ ଭୋଇ ମେଡିକାଲ କଲେଜରେ ଖତ ଖାଉଛି ଭେଣ୍ଟିଲେଟର

ବଲାଙ୍ଗିର ଭୀମ ଭୋଇ ମେଡିକାଲ କଲେଜରେ ଖତ ଖାଉଛି ଭେଣ୍ଟିଲେଟର . ଗୁରୁତର ରୋଗୀଙ୍କୁ ଭେଣ୍ଟିଲେଟର ମିଳୁନଥିବା ବେଳେ, କନା ଢାଙ୍କି ଗଦା ହୋଇଛି ଭେଣ୍ଟିଲେଟର। ଏହି ଭିଜୁଆଲ ଭାଇରାଲ ହେବା ପରେ ଏବେ ବଲାଙ୍ଗିର ହସପିଟାଲରେ ହଇଚଇ ସୃଷ୍ଟି ହୋଇଛି। ଟେକ୍ନିସିଆନ ଅଭାବରୁ ଭେଣ୍ଟିଲେଟରକୁ ଆଜି ସକାଳୁ କେବଳ ଡେମୋ ଭାବରେ ରଖାଯାଇଛି। ଆଉ କିଛି ଖରାପ ହୋଇଯାଇଛି, ହେଲେ ମରାମତି ହେଉନି।

ରୋଗୀଙ୍କ ସଂର୍ପକୀୟ ମାନେ ଏହାକୁ ନେଇ ଅସନ୍ତୋଷ ମଧ୍ୟ ପ୍ରକାଶ କରିଛନ୍ତି। ଭେଣ୍ଟିଲେଟର ଥାଇ ମଧ୍ୟ କାମରେ ଆସୁନଥିବାରୁ ବଲାଙ୍ଗିର ସାଂସଦଙ୍କ ପ୍ରତିନିଧି ଦୀନେଶ ଶର୍ମା ମଧ୍ୟ ଅସନ୍ତୋଷ ପ୍ରକାଶ କରିଛନ୍ତି। ଦେଖିବାକୁ ମିଳିଛି କାରଣ ଜେନେରାଲ ଆଇ.ସି.ୟୁରେ ୧୬ ଟି ବେଡ ଭିତରୁ କୌଣସି ବେଡରେ ଭେଣ୍ଟିଲେଟର ଲାଗିନଥିଲା କିନ୍ତୁ ଆଜି ସକାଳୁ କେବଳ ବେଡ ପାଖରେ ଭେଣ୍ଟିଲେଟର ଥୋଇ ଦିଆଯାଇଛି। ହେଲେ କୌଣସି ଭେଣ୍ଟିଲେଟର କାମ କରୁନି। ଯାହାକୁ ନେଇ ଅସନ୍ତୋଷ ଦେଖାଦେଇଛି।