ଅଷ୍ଟିନ ନ୍ୟୁଜ / ଭୁବନେଶ୍ୱର
ତା-୨୧-୦୫-୨୦୨୧
ରଥ ତିଆରିରେ ନିୟୋଜିତ ମହାରଣାମାନଙ୍କୁ କରୋନା ସଂକ୍ରମିତ ନହେବା ପାଇଁ ରାଜ୍ୟ ସରକାର ରଥ ଖଳାରେ ବାୟୋ-ବବୁଲ୍ ସୁରକ୍ଷା ଯୋଗାଇଦେବାକୁ ନିଷ୍ପତ୍ତି ନେଇଛନ୍ତି।ପବିତ୍ର ରଥ ତିଆରିରେ ନିୟୋଜିତ ଅଳ୍ପ କେତେକ ସେବକ, ମହାରଣା ଓ ଭୋଇ ସେବକ କରୋନା ପଜିଟିଭ୍ ଚିହ୍ନଟ ହେବା ପରେ ପ୍ରଶାସନର ଚିନ୍ତା ବଢିଛି ।
ଅନ୍ୟମାନଙ୍କ କରୋନା ପରୀକ୍ଷା କରାଯିବା ପରେ ବାୟୋ-ବବୁଲ୍ ସୃଷ୍ଟି କରିବାର ନିଷ୍ପତ୍ତି ନିଆଯାଇଛି । ପର୍ଯ୍ୟାୟକ୍ରମେ ଢଙ୍ଗରେ ତିନିଟି ରଥ ତିଆରି କରିବା ପାଇଁ ମହାରଣା ଓ କାରିଗର ସମେତ ୧୯୦ରୁ ଅଧିକ ଲୋକଙ୍କୁ ଦାୟିତ୍ବ ଦିଆଯାଇଛି।ଅଧିକାରୀମାନେ କହିଛନ୍ତି ଯେ ବାୟୋ ବବୁଲରେ ଶରୀରର ତାପମାତ୍ରା ମାପିବା ସହିତ ନିୟୋଜିତ କର୍ମଚାରୀମାନେ କରୋନା ପାଇଁ ନିୟମିତ ପରୀକ୍ଷା କରିବେ। ସୂତ୍ରରୁ ପ୍ରକାଶ ଯେ ବାୟୋ-ବବୁଲର ଆକୃତି ଏବଂ ମୋଡାଲିଟି ଚୂଡ଼ାନ୍ତ କରିବାକୁ ଜିଲ୍ଲାପାଳଙ୍କୁ କୁହାଯାଇଛି।
ସେପଟେ ଜିଲ୍ଲାପାଳ ସମର୍ଥ ବର୍ମା କହିଛନ୍ତି, ରଥଖଳାରେ ନିୟୋଜିତ ସେବକଙ୍କୁ ସଂକ୍ରମଣଠାରୁ ଦୂରେଇ ରଖିବା ପାଇଁ ଏହି ବ୍ୟବସ୍ଥା ଗ୍ରହଣ ଯାଇଛି। ଏହା ଏକ ସୁରକ୍ଷା ବଳୟ । ଯେଉଁମାନେ ରଥ ନିର୍ମାଣରେ ନିୟୋଜିତ ଅଛନ୍ତି, ସେମାନେ ବାହାର ଲୋକଙ୍କ ସଂସ୍ପର୍ଶରେ ଆସିବେନି । ସେମାନଙ୍କୁ ସ୍ବତନ୍ତ୍ର ଭାବେ ଅଲଗା ରଖାଯିବ । ସାମ୍ବାଦିକଙ୍କ ସହ ଜନସାଧାରଣଙ୍କ ପ୍ରବେଶ ଉପରେ ସମ୍ପୂର୍ଣ୍ଣ କଟକଣା ଲଗାଯାଇଛି ।
ଅଧିକ ଖବର ଜାଣିବା ପାଇଁ ଆମର ଓ୍ବେବସାଇଟ ଲଗଇନ କରନ୍ତୁ। ଆମ ସହ ଯୋଡି ହୋଇ ରହିବା ପାଇଁ ଆମର ଫେସବୁକ ପେଜ୍, ୟ୍ଯୁ-ଟ୍ୟୁବ ପେଜ୍, ଟ୍ବିଟର ପେଜ୍ କୁ ଲାଇକ, କମେଣ୍ଟ, ସେୟାର, ଫଲୋ, ସବସ୍କ୍ରିପସନ କରନ୍ତୁ।
http://www.austinnews.in
http://facebook.com/AustinNewsMedia
https://www.youtube.com/AustinNewsMedia