ସପିଂ ମଲକୁ କରାଯିବ ଟୀକାକରଣ କେନ୍ଦ୍ର

ଯୁବଗୋଷ୍ଠୀଙ୍କୁ ଟିକାକରଣ ପ୍ରତି ଆକୃଷ୍ଟ କରିବାକୁ ବିଏମସିର ନୂଆ ପଦକ୍ଷେପ। ଏଣିକି ପୂର୍ବଭଳି ପୁଣି ଥରେ ଭୁବନେଶ୍ୱରର ବିଭିନ୍ନ ସପିଂ ମଲକୁ ଟୀକାକରଣ କେନ୍ଦ୍ର କରାଯିବ। ଏଥିରେ କେବଳ 18ରୁ 59 ବର୍ଷ ବୟସ ବର୍ଗଙ୍କୁ ବୁଷ୍ଟର ଡୋଜ ଦିଆଯିବ। ଏ ସମ୍ପର୍କରେ ସୂଚନା ଦେଇଛନ୍ତି ଅତିରିକ୍ତ ଜିଲ୍ଲା ସହରାଞ୍ଚଳ ଜନସ୍ୱାସ୍ଥ୍ୟ ଅଧିକାରୀ ଡାକ୍ତର ଅନ୍ତର୍ଜାମି ମିଶ୍ର । ସେ କହିଛନ୍ତି ଯେ, ଏହି ବର୍ଗରେ ଅଧିକାଂଶ ଯୁବଗୋଷ୍ଠୀ ର ଥିବା ଜଣାପଡିଛି। ତେବେ ଏଠାରେ ସୂଚନାଯୋଗ୍ୟ ଯେ ପୂର୍ବରୁ ଭବାନୀ ମଲ, ଏସପ୍ଲାନେଡ଼, ଡି ଏନ ରେଗାଲିଆ ଓ ଉତ୍କଳ କନିକା ଗ୍ୟାଲେରିଆ ଭଳି ମଲରେ କରାଯାଇଥିଲା କୋଭିଡ୍ ଟିକାକରଣ କେନ୍ଦ୍ର। ସେ ଆହୁରି ମଧ୍ୟ କହିଛନ୍ତି ଯେ ଆବଶ୍ୟକ ସଂଖ୍ୟକ ସ୍ୱାସ୍ଥ୍ୟକର୍ମୀ ଓ ବୈଷୟିକ ସହାୟକଙ୍କୁ ସାମିଲ କରି ଖୁବଶୀଘ୍ର ଏହି ଅଭିଯାନକୁ ତ୍ୱରାନ୍ୱିତ କରାଯିବ।