ଅଷ୍ଟିନ ନ୍ୟୁଜ / ଭୁବନେଶ୍ୱର
ତା-୨୯-୦୬-୨୦୨୧
ସୁସ୍ଥ ହେବେ ଶ୍ରୀଜିଉ । ଅଣସର ଘରେ ଚାଲିଛି ମହାପ୍ରଭୁଙ୍କ ନୀତିକାନ୍ତି । ଆଜି ଶ୍ରୀଜିଉଙ୍କ ଶ୍ରୀଅଙ୍ଗରେ ଲାଗି ହେବ ଫୁଲୁରୀ ତେଲ । ଜ୍ୱରପୀଡ଼ା ଲାଘବ ପାଇଁ ଆଷାଢ଼ ଶୁକ୍ଳ ପଞ୍ଚମୀ ତିଥିରେ ଏହି ତେଲ ଲାଗୁ କରାଯାଏ । ବଡ଼ ଓଡ଼ିଆ ମଠ ପକ୍ଷରୁ ଶ୍ରୀମନ୍ଦିରକୁ ଫୁଲୁରୀ ତେଲ ବିଜେ ହେବ ।
ବର୍ଷକ ତଳୁ କର୍ପୂର, ଚୁଆ, ପରଖ, ପିଙ୍ଗଳ ଓ ସୁବାସିତ ପୁଷ୍ପ ସହିତ ଘଣାପେଡ଼ା ରାଶିତେଲକୁ ମାଟି ତଳେ ପୋତି ଏହା ପ୍ରସ୍ତୁତ କରାଯାଏ । ସେଥିପାଇଁ ଚାଲିଛି ନିତିକ୍ରାନ୍ତି।
ଦଇତାପତିମାନେ ଏହାକୁ ମହାପ୍ରଭୁଙ୍କ ଶ୍ରୀଅଙ୍ଗରେ ମର୍ଦ୍ଦନ କରିବେ । ସ୍ନାନ ପୂର୍ଣ୍ଣିମାରେ ୧୦୮ ଗରା ଜଳରେ ସ୍ନାନ କରି ଜ୍ୱରରେ ପୀଡ଼ିତ ମହାପ୍ରଭୁ । ୧୫ ଦିନ ଧରି ଚାଲିଥିବା ଅଣବସର ନୀତିରେ ସେବାୟତ ମାନେ ଗୁପ୍ତ ସେବା କରୁଛନ୍ତି ।
ଅନ୍ୟପଟେ ରଥ ଖଳାରେ ଜୋରସୋରରେ ଆଗେଇ ଚାଲିଛି ନିର୍ମାଣ କାମ । ରଥ ନିର୍ମାଣରେ ନିୟୋଜିତ ୨୦୦ରୁ ଅଧିକ ସେବାୟତ ସମର୍ପିତ ମନୋଭାବ ନେଇ ରଥ ନିର୍ମାଣ କରୁଛନ୍ତି । ରଥର ପୋଟଳ, ପାରାଭାଡ଼ି, ଖପୁରି ଖଞ୍ଜା ଯାଇଥିବା ବେଳେ ଭୋଇ ସେବାୟତମାନେ ୯ଟି ହରିବୋଲ ମଧ୍ୟରୁ ୬ ନମ୍ବର ହରିବୋଲ ପକାଇଛନ୍ତି ।
ଅଧିକ ଖବର ଜାଣିବା ପାଇଁ ଆମର ଓ୍ବେବସାଇଟ ଲଗଇନ କରନ୍ତୁ। ଆମ ସହ ଯୋଡି ହୋଇ ରହିବା ପାଇଁ ଆମର ଫେସବୁକ ପେଜ୍, ୟ୍ଯୁ-ଟ୍ୟୁବ ପେଜ୍, ଟ୍ବିଟର ପେଜ୍ କୁ ଲାଇକ, କମେଣ୍ଟ, ସେୟାର, ଫଲୋ, ସବସ୍କ୍ରିପସନ କରନ୍ତୁ।
http://www.austinnews.in
http://facebook.com/AustinNewsMedia
https://www.youtube.com/AustinNewsMedia