ଭାଲୁ କାମୁଡାରେ ଯୁବକ ଗୁରୁତର ଅବସ୍ଥାରେ ଡାକ୍ତର ଖାନାରେ ଭର୍ତ୍ତି।

ଅଷ୍ଟିନ ନ୍ୟୁଜ୍/ମୟୁରଭଞ୍ଜ

ଉଦଳାରୁ-ଜଗବନ୍ଧୁ ପ୍ରଧାନ

ତା-୦୨-୦୬-୨୦୨୧

ଉଦଳା ବ୍ଲକର ଖଲାଡି ପଞ୍ଚାୟତର ଜୁଆଳିଆ ଗ୍ରାମର ଯୁବକ ଉପେନ୍ଦ୍ର ଖଡିକା,ଭାଲୁ ଆକ୍ରମଣର ଶିକାର ହୋଇଛନ୍ତି ।ଘଟଣାରୁ ଜଣା ପଡିଛି ଯେ,ତାଙ୍କ ଗାଁର ନିକଟସ୍ଥ ବିଲକୁ ଶୌଚ ପାଇଁ ଯାଉଥିବା ବେଳେ ହଠାତ ଭାଲୁଟି ଆକ୍ରମଣ କରିଥିଲା।

ଭାଲୁଟି ତାଙ୍କର ବାମ ଜଙ୍ଘ ଓ ବାମ ହାତକୁ କାମୁଡିବା ପରେ ତାଙ୍କର ମୁହଁକୁ ଜୋରରେ କାମୁଡି ଥିଲା । ମୁହଁରେ କାମୁଡିବା ଫଳରେ ଗଭୀର କ୍ଷତ ହୋଇ ଅଛି ।ସେ ଜୋରରେ ଚିତ୍କାର କରିବା ଦ୍ୱାରା ଗାଁ ଲୋକେ ଦୌଡ଼ି ଆସିବାରୁ ଭାଲୁଟି ନିକଟସ୍ଥ ବୁଦାକୁ ପଳେଇ ଯାଇଥିଲା ।

ଲୋକମାନେ ତାଙ୍କୁ ଉଦଳା ଡାକ୍ତରଖାନାରେ ଚିକିତ୍ସା ନିମନ୍ତେ ଭର୍ତ୍ତି କରିଥିଲେ ପରେ ଅବସ୍ଥା ଗୁରୁତର ହେବା ଯୋଗୁଁ ତାଙ୍କୁ ବାରିପଦା ଡାକ୍ତରଖାନା ପଠାଇ ଦିଆଯାଇଛି ।