ଆଗକୁ ଆସୁଛି ୨୦୨୧ ମସିହାର ୭ ଟି ବିରଳ ଚନ୍ଦ୍ର ଗ୍ରହଣ ଓ ସୂର୍ଯ୍ୟ ପରାଗ; ଜାଣନ୍ତୁ କେବେ?

କଟକ / ଅଷ୍ଟିନ୍ ନ୍ୟୁଜ

ତା – ୧୧-୦୫-୨୦୨୧

ଚଳିତ ବର୍ଷ ର ସର୍ବ ପ୍ରଥମ ଚନ୍ଦ୍ର ଗ୍ରହଣ ମେ’ ମାସ ଅର୍ଥାତ୍ ଚଳିତ ମାସ ୨୬ ତାରିଖ ଦିନ ଦେଖିବା ମିଳିବ। ଏହି ଚନ୍ଦ୍ର ଗ୍ରହଣ ଟି ୨୦୧୯ ଜାନୁଆରୀ ମାସ ୨୧ ତାରିଖ ପରର ପ୍ରଥମ ପୂର୍ଣ୍ଣ ଗ୍ରାସ ଚନ୍ଦ୍ର ଗ୍ରହଣ ହେବ। ସେହିଦିନ ଚନ୍ଦ୍ର ର ଆକାର ସବୁଠାରୁ ବଡ ରହିବ ବୋଲି ଜ୍ୟୋତିର୍ବିଦ୍ ମାନେ ଅକଳନ କରିଛନ୍ତି।

୨୬ ତାରିଖ ରାତିରେ ଚନ୍ଦ୍ର ପୃଥିବୀ ର ଅତି ନିକଟବର୍ତ୍ତୀ ହେବାକୁ ଥିବାବେଳେ ଏହା ପୃଥିବୀପୃଷ୍ଟ ରୁ ଅତ୍ୟନ୍ତ ବଡ ଓ ଲାଲ ରଙ୍ଗର ଦେଖାଯିବ।

କିଏ କିଏ ଦେଖିପାରିବେ : ଅଷ୍ଟ୍ରେଲିଆ, ମିଳିତ ଜାତିସଂଘ ର ପଶ୍ଚିମାଞ୍ଚଳ, ପଶ୍ଚିମ ଦକ୍ଷୀଣ ଆମେରିକା, ବା ଦକ୍ଷୀଣ – ପୂର୍ବ ଏସିଆ ର ଲୋକ ମାନେ ଏହି ବିରଳ ଚନ୍ଦ୍ର ଗ୍ରହଣ ଦେଖିପାରିବେ ।

ତେବେ ଏହି ବିରଳ ଚନ୍ଦ୍ର ଗ୍ରହଣ ସମୟରେ ପୂର୍ଣ୍ଣ ଗ୍ରାସ ର ଦୃଶ୍ୟ ୧୫ ମିନିଟ୍ ପର୍ଯ୍ୟନ୍ତ ଦେଖିବାକୁ ମିଳିବ।

ସମୁଦାୟ କେତୋଟି ପରାଗ ଓ ଗ୍ରହଣ;

ଚଳିତ ବର୍ଷ ହାରାହାରି ୪-୭ ଟି ପରାଗ /ଗ୍ରହଣ ଦେଖିବାକୁ ମିଳିବ। ସେଥିମଧ୍ୟରୁ କିଛି ପୂର୍ଣ୍ଣ ଗ୍ରାସ ରହିଥିବା ବେଳେ ଆଉ କିଛି ଆଂଶିକ ଗ୍ରାସ ରହିଛି। ମେ’ ୨୬ ରେ ହେବାକୁ ଥିବା ବିରଳ ଚନ୍ଦ୍ର ଗ୍ରହଣ ଟି ପୂର୍ଣ୍ଣ ଗ୍ରାସ ଗ୍ରହଣ ହୋଇଥିବା ବେଳେ, ଜୁନ ୧୦ ରେ ହେବାକୁ ଥିବା ସୂର୍ଯ୍ୟ ପରାଗ ଟି ବଳୟାକାର ପରାଗ ହେବ। ସେହିଭଲି ନଭେମ୍ବର ମାସ ୧୯ ତାରିଖରେ ଆଂଶିକ ଗ୍ରାସ ଚନ୍ଦ୍ର ଗ୍ରହଣ ଦେଖିବାକୁ ଥିବାବେଲେ, ଡିସେମ୍ବର ମାସ ୪ ତାରିଖରେ ପୁଣି ଏକ ସମ୍ପୂର୍ଣ୍ଣ ଗ୍ରାସ ସୂର୍ଯ୍ୟ ପରାଗ ଦେଖିବାକୁ ମିଳିବ।